काठमाडौँ । जनता समाजवादी पार्टी नेपालको कार्यकारिणी समितिको बैठक बोलाइएको छ । बुधवार पार्टी केन्द्रीय कार्यालयमा बस्ने बैठकमा असोज ३ गते मनाउने संविधान दिवस, चार महिने अभियानलगायत अन्य समसामयिक राजनीतिक विषयमा छलफल हुने बताइएको छ ।सो पार्टीले भदौ ९ गतेदेखि चार महिने साङ्गठनिक अभियान चलाइरहेको छ । प्रत्येक प्रदेशमा कार्यक्रम सम्पन्न गरिसकेको छ । अहिले पालिका र जिल्लाहरूमा कार्यक्रम जारी रहेको छ । बैठकमा त्यसको समीक्षा गर्नुका साथै असोज ३ गतेको संविधान दिवसबारे पनि छलफल गर्ने बताइएको छ । यो संविधानले मधेसी, आदिवासी जनजाति, दलित÷शिल्पी, महिला, खस, मुस्लिम, थारु, अल्पसङ्ख्यक समुदायहरूका साथै उत्पीडित जात÷जाति एवम् समुदायहरूले उठाउँदै आएका राष्ट्रिय मुद्दाहरूलाई सम्बोधन गर्न नसकेको बताउँदै उनले संविधानमा सङ्घीयता, समावेशी लोकतन्त्र, राष्ट्रिय पहिचान, समानुपातिक समावेशीकरण लगायतका प्रावधानहरू पनि अधुरो र अपूर्ण भएको बताए